復課｜小五生實體課返8放1回家再上Zoom 家長：夜晚係咁喊 好辛苦
2021-03-05
有家長在Facebook專頁「生仔要考牌系列」投稿，表示小朋友由早上8時開始上學，下午1時放學後要立即回家上Zoom至3時多，他大呻小朋友很辛苦，反問各位網民：「而家真係有必要上完實體課再上zoom咩？」
這位家長表示，小朋友由8am返學到1pm放學，再由2:30pm至3:45pm上zoom，他表示其實小朋友上完實體課後都已經很累，「我望住佢哋咁樣，我哋都好唔忍心。日日見到小朋友要咁上堂，夜晚會係咁喊，因為佢好辛苦！」
他更表示即使周末，小朋友也要溫習，基本上沒有時間可以玩。他希望局長和老師可以好好安排，不要再讓小朋友這樣上堂，「可能你哋覺得係好，但其實我覺得會令佢哋壓力爆煲；可能你哋話返學上得好少，不如咁，你一係實體課，一係上zoom。」
網民看到後紛紛表示又實體又Zoom，令小朋友難以適應。「我覺得你講得好啱，我見你小朋友個schedule 都覺得攰」，「我覺得重點係又網課又實體，學生走黎走去都攰啦，叫大人 A B team 上下午咁返都覺得辛苦啦…」
來源：生仔要考牌系列