投訴酒店浴室水溫僅38度無得校 家長怕小朋友冷親惹議

^有網民投訴浴室水溫只有38度怕小朋友着涼。網上圖片

不少家長一到周末就會帶同子女去「宅度假」。有網民入住西貢一間今年新開業的酒店，但不滿浴室水溫為38度，聲稱擔心小朋友洗澡會着涼，於是向酒店投訴，引來網民爭議。

網民日前於「香港 Staycation 酒店交流谷」發文，指昨晚氣溫只有20度，而酒店客房浴室的水溫為38度，發文者於是向酒店投訴，獲悉「仲話正常驚淥親啲客」。發文者不滿，「係扭到盡熱水都係得38度，好彩小朋友沖嘅時候無嗌凍，叫人調校熱啲都唔得」。

^根據天文台資料，日前西貢錄得最高氣溫為24.2度，最低氣溫為17.8度。

有網民認為38度水溫實在太低，「我依家沖涼都係用40 度，得38 度我覺得唔夠（寒底怕凍）」、「人人體質唔一樣，沖42-43度水有咩問題，怕熱可以減熱水，怕凍加唔到溫度」、「其實係酒店沖涼38度真係唔夠熱，因為酒店有冷氣又抽風勁啲，小朋友沖涼真係會凍。同埋講話恆溫熱水爐，但會受出面溫度影響，相同度數剩校熱水唔開冷水，陰天同睛天出來水溫都有差別。」

不過都有人認為38度並非不合理，「38度仲唔夠熱？我平時35度咋」、「我BB沖涼都是38度咋喎」。有人就建議，「唯有將室溫校暖啲」。

帖文轉載自「香港 Staycation 酒店交流谷」

^有網民投訴浴室水溫只有38度怕小朋友着涼。「香港 Staycation 酒店交流谷」圖片

頭條日報授權轉載