網絡熱話｜到女友家過夜用口罩酒精要收$10 男友嘆:知道她均真，但唔知係呢個程度
2022-03-21
^示意圖(《香港愛情故事》劇照、Anshu A@unsplash)
不少情侶在拍拖期間，都會以「AA制」的方法來應付日常開支。最近一名男網友在網上出post，指平日向女友拍拖都是「AA制」，想不到到女友家中過夜，女友竟向他收$10，令他大感無奈，故向網友查詢女友的行為是否有些「過火」。
該名男網友在網上討論區「Dcard」出post，指一向都知道女友非常在意金錢，平時出街食飯都是「AA制」，「唔存在佢出一餐我出一餐咁，所有嘢會除番一半」，對此他都覺得無問題。
直到他早排第一次到女友家過夜，女友向他收$10，「因為⋯ 我攞咗佢一個口罩嚟用、用咗佢啲酒精消毒、飲咗水」，事主大感無奈，直言雖然只是$10，但聽落覺得有點「over咗」。事主指初識女友時知道她很均真，好在意錢，但唔知係呢個程度。
其他文章：夫妻關係｜老公買雞蛋每隻都標上價錢 人妻氣炸大罵小器：終極版AA制
有網民笑言「喺佢立場嚟講，無叫你俾番租都已經好大方」，事主回應「應該係因為層樓係佢屋企人嘅，佢唔使交租⋯⋯如果唔係應該都要俾番佢」。有不少網民認同女友的行為誇張，表示如果兩人結婚「有排捱」，「咁識計數，結咗婚你有排捱」、「價值觀呢啲嘢都好難改到，問自己之後嗰幾年，十幾年接唔接受到咁樣」、「唔止over，直情係有問題」、「計到咁盡，點行落去」。
來源：Dcard
其他文章：