簽約翌日揭單位平台曾有人墮斃 港媽批業主疑刻意隱瞞

^港媽早前看中美孚1個平台層數單位，惟業主疑隱瞞平台曾有人墮樓。資料圖片

租樓簽合約前應做足功課，以免不慎「中伏」。一名港媽於社交平台訴說指，早前看中美孚1個平台層數單位，與業主直接洽談後決定簽約，沒料翌日竟發現該單位外的平台曾發生有人墮樓死亡事件，故立即決定退租並質問業主，對方則稱「無問就無講」，更要求沒收1個月按金作為毀約賠償，令港媽非常憤怒，最後亦無奈嘆息「用錢買教訓」。

該名港媽於facebook群組「Mei Foo 美孚」發文，指其一家首次租樓，在網上看到業主自行放租的帖文，為美孚新邨4期1個3樓平台單位。她透露，睇樓時曾問及業主單位有否特別情況，「包括有冇人跳樓同近期好hit嘅老鼠問題」，惟對方未有正面回答，「輕輕帶過平台係大廈外面嘅地方唔會屬於凶宅，無老鼠問題等」。

港媽決定簽約後，沒料翌日翻查資料竟發現，單位外的平台3月尾曾發生有人墮樓身亡事件，「正正跳係單位外，即刻問業主，佢話我冇問過」。她指，因與2名小朋友同住，故立即決定棄租，沒料業主卻稱「冇問就冇講」，並要求沒收1個月按金作為毀約賠償，令她非常憤怒，「你單位唔係凶宅，但有人死喺你平台窗前」、「你自己（業主）案發後1個月都無就即刻全家搬離再放租搵水魚，你唔驚，覺得無問題又點解要即搬」。

港媽續指，質疑業主刻意隱瞞，如早知單位外曾發生墮樓事件，她必定不會簽約，「我氣憤嘅係業主無誠信同無道德」，直言今次「用錢買教訓」，更稱業主已刪除舊有帖文，提醒街坊小心，「地產Agent同律師同我講，經佢地就一定會披露，自讓佢唔講你唔知」。

^業主要求沒收1個月按金作為毀約賠償。unsplash圖片

帖文引起網民熱論，有網民批評涉事業主無誠信，「業主立心不良，自己即搬走搵人有兩個細BB頂租，仲要唔肯退按金」、「佢咁唔老實，仲要自己搬走，再隱瞞事實想租出去」；亦有網民籲樓主應提前做足功課，「樓主咁在意就租前要research定，上網睇新聞或者直接問下管理員、隔籬鄰舍」、「租屋買樓真係要自己做足功課，唔好只聽業主同agent 講」。

資料來源：Mei Foo 美孚

頭條日報授權轉載