紋身｜奶奶過身 老公想紋亡母名紀念 人妻上網問意見 網民反應兩極
2022-05-11
^圖片來源：Collins Lesulie@unsplash
親友或摯愛離世的確令人難受，大家都有自己的紀念方式。近日一名人妻在網上出post，表示奶奶過身後，老公想把奶奶的名字紋在身上，令她一時接受不到，於是詢問網民的意見。
近日一名人妻在網上討論區出post，表示奶奶在數月前離世，老公早前突然對她表示「準備紋奶奶個名喺手臂」，以這個方式紀念奶奶，而老公本身是沒有紋身的，人妻直言「聽到後唔太鍾意，但無講咩。」，可能老公見她反應有異，「話我奇怪，唔明點解我唔認同佢」。
人妻事後表示明白是老公自己嘅決定，只不過突然一時間聽到老公的想法，才會有點「嚇親」，「冇諗過佢會咁做」。有唔少網民都尊重老公的決定，認為把亡母名紋在身上沒問題，「你老公紋身，係佢自由。除非你話佢叫你都要一樣咁做就話啫。」、「由佢，奶奶都走咗，佢想紀念一下」、「雖然有啲奇怪但我會尊重佢」、「依家呢個年代，紋身好小事。」。
不過都有網民直言自己較為傳統，不太喜歡紋身，「我傳統，我都接受唔到……紀念都有好多方式」、「雖然可以理解，但並不喜歡」、「我本人係反對紋身人士，其他人我唔理，但我唔會想我伴侶有紋身。我會試下破財一次買條金鏈俾佢長戴住99張相，佢有權決定紋唔紋身我唔會阻止，但我會表達我真心唔鍾意。」
其他文章：紋身 | 港媽認為「父母有紋身容易教壞孩子」 遭網民圍攻：無知先會教壞細路
亦有網民建議不要紋全名，可以選擇英文字、數字、或是一些與名字相關的圖案，有網民表示自己都紋了兒子兩隻小手掌在身上，「我朋友爸爸個名有個『楓』字，佢紋咗片楓葉喺左手前臂內側度紀念爸爸。」。
來源：網上討論區
其他文章：【紋出父愛】以紋身保留孩子畫作