好人好事｜大埔患病婆婆需要洗腎水 無人送貨 熱心司機免費幫手 抬33箱行8層樓：搵唔到理由唔幫
2022-09-14
相信大家都知道住喺有樓梯嘅地方，搬嘢或者送貨好唔方便，但近日有一班義工不計較辛苦，幫助一名長期病患老婦送33箱洗腎水上樓，更直言搵唔到理由唔幫，網民大呼有愛，更有不少人想出一分力幫手。
日前「貨Van仔」Facebook專頁分享一件好人好事，指收到收到一間送貨公司員工求助，一名長期病患婆婆足不出戶，平日靠一個孝順兒子照顧起居飲食，甚至洗腎治療。不過送貨公司不願幫手送婆婆日常所需的洗腎水，因為婆婆住的地方有較多樓梯，加上一共33箱10kg 的洗腎水十分重，所以加費用都不願送貨。
^婆婆住的地方較為偏僻，需要行八層樓梯再行一段上山才到
「貨Van仔」的版主收到求助後，決定幫助婆婆送貨，他表示婆婆住得較為偏僻，需要行八層樓梯再行一段上山才到，搬完33箱洗腎水令他懷疑人生，但沒有理由不幫忙。版主指正常來說一轉運費約要$2500-3000不等，或者大家會覺得不是太貴，但其實對長期需要治療的病人而言，這筆錢已經可以買到更多的藥，「經過了解起碼買到10日左右 （洗腎水）」。
版主更決定每個月都會幫婆婆免費送洗腎水，呼籲大家幫忙，版主笑言「每人企一層樓梯不出半個鐘搞掂，我再係一個人搬嘅話我驚菠蘿蓋爆炸」。帖文一出，有不少網友都一呼百應，表示想成為義工幫忙，版主指「（Whatsapp群組）目前為止300幾個人，個個都主動話幫手，完全冇托手踭」，多謝大家分享，讓更多人可以關注到有需要幫助的人士。
其他文章：
