羡慕20多歲能出國留學 網民呻：靠自己儲錢30幾歲再搵工實被壓價

^網民指要負擔出國留學的費用前提是家庭有錢支持。示意圖片

隨著香港陸續在疫情中復常，入境檢疫也放寬至「0+3」，出國留學進修的人次也慢慢回升。有網民在連登討論區上發文，羡慕他人可以20多歲就有經濟能力出國留學，引來不同網民熱議。

發文者說，近期見很多人20多歲就可以去日本或者其他國家留學，「我心諗點解你哋咁有錢去到」，他指讀兩年最低消費幾十萬港元，「如果唔係靠父幹邊拎得出呢筆錢」，並指靠自己儲到錢已經三十幾歲，去留學幾年再回來找工作，見工肯定被人力顧問以空窗期為由壓低薪酬。

^網民羡慕其他人20多歲就有能力出國留學。網上截圖

^有網民聲稱出國留學非想象中困難，隨即引來反駁出國住屋開銷無法依靠父母。網上截圖

^網民指出讀完書幾年回來已經就40歲，隨時找不回工作。網上截圖

|有網民感同身受，指「原本諗住有機會去exchange,點知屋企存款突然清零，搞到我都唔敢去」、「窮人邊有機會留學。你的父親如何，你的日子也必如何」、「要家底囉，起碼五十萬至二百萬，唔會有回報咁諗」。有網民亦指，「見啲有錢同學中學讀到一半就去咗外國讀Boarding school好羨慕佢哋。亦都令到我決定咗如果將來未有錢到可以畀仔女讀國際學校嘅話就寧願唔生算數」。

不過也有人不同意，聲稱「其實唔使好多錢都夠去留學。當你日本計，讀語言學校兩年學費都係10萬有找。住我當你住平啲，3000蚊租，兩年8萬有找。生活費一個月3000，兩年又係8萬有找。加埋都係26萬，重要呢個數係講緊你唔喺嗰邊做pt time，基本上pt time可以賺返生活費」。隨即引來發文者反駁，「二十幾歲拎呢筆錢出黎你覺得好易?」也有人認為，「當年澳洲Working hoilday仲好興果時，見啲人去working holiday 2年儲錢再讀書，有時啲嘢事在人為」。

有人指，「如果你畀得起係香港讀書嘅錢，好多地方都可以去留學，日本、台灣、歐洲某啲國家，都唔係好貴，如果你肯做pt真係唔係同香港差好遠」。發文者就質疑，「正常窮人係香港住屋企讀公立黐屋企出國自己租屋讀私立，飲食起居自己畀晒唔係差好遠?」

帖文轉載自連登討論區

頭條日報授權轉載