外傭掛住睇手機 少主人盪鞦韆慘經歷「男人最痛」

^B仔盪鞦韆卡著髀罅吊吊揈。網上截圖

B仔去公園盪鞦韆本來好高興，卻因卡著髀罅吊吊揈而顯得有點頹喪，還可能經歷了「男人最痛」。有網民近日在將軍澳拍攝到外傭帶少主到公園盪鞦韆，因只顧看手機而令B仔吊吊揈，短片在網上引起公憤，網民怒斥「點解唔幫個小朋友坐返正啲先」。

網民日前在社交網站facebook專頁「香港僱主討論區（外傭/鐘點/陪月/本地ee）」上載在將軍澳寶康公園拍攝到的短片，並留言指「吊住係到都係咁推，玩電話又唔理個小朋友，真係自己有時間自己湊返啦」。

在全長17秒的短片中見到，B仔和另一名女童均在成年人陪同下在盪鞦韆，待遇卻有雲泥之別。由於相信是外傭的女子只顧看手機，無視少主全程卡著髀罅吊吊揈，B仔年紀輕輕便顯得一派頹喪，反觀旁邊的女童一直在關顧的目光下獲得悉心照料。

網民留言回應時均難掩怒火，質問「點解唔幫個小朋友坐返正啲先」、「咁樣又真係好差喎！」，並感嘆「Hea住做、僱主睇唔到、BB唔識講、真係冇辦法」。

另有網友現身說法，指「我之前2個姐姐都係一邊Hea住玩一邊睇手機」、「早排見一個送返學，距離個小學生最少100米，個妹仔停咗喺度搵書包啲嘢，個姐姐又唔知，自己大搖大擺喺度一邊行一邊傾電話，連頭都無擰轉過睇下個小朋友有無跟嚟」。

帖文來源：香港僱主討論區(外傭/鐘點/陪月/本地ee)

頭條日報授權轉載