【小小豬廚房】糖冬瓜薏米馬蹄水

依排煲薏米水嘅次數都幾密，雖然我嘅檸檬薏米水又真係唔錯，不過飲得多都有少少悶，所以都要得閒轉一轉味道，等小小豬可以多啲新口味，咁就可以KEEP住鐘意飲我煲嘅涼茶嘛！

去開藥材店買材料煲湯時，同店員傾開煲咩薏米水俾小朋友飲好，最後佢就介紹左我煲依個糖冬瓜薏米馬蹄水，有助清熱袪濕、健脾益胃、利小便、消水腫等效用，當然最好就係煲後甜甜地，啱晒小朋友飲呀！

材料只需要三樣就得，薏米一両、馬蹄約十二粒及糖冬瓜一包~

薏米就係清熱利水、美白消腫，祛濕排毒之功效；糖冬瓜富營養，具有清熱生津止渴之效，而且本身就帶有甜味，所以就唔需要額外加糖；馬蹄就可以清內熱，生津及利消化。

薏米洗淨之後，浸水最少半小時~

馬碲洗淨去皮~

煲內放入3L水，然後加入薏米及馬蹄~