雯雯又放負！挺巨肚拍照疑暗示離家出走 斥張致恒婚後不停追求異性後直言要冷靜
2023-08-15
張致恒（Steven）太太區燕雯（雯雯）正懷第4胎，但雯雯近期亦不改公開放負習慣，早前才驚爆張致恒婚後繼續追女仔、批評張致恒在外向其他女人「數臭」她，今日更貼出拖行李的照片，疑似離家出走。
雯雯多次公開「數臭」張致恒又廢又懶，又自爆經濟困難，要靠收錢公開私生活來維生，不過早前雯雯又離奇宣布結束收費帳號，並聲稱會退錢給已訂閱人士。事件峰迴路轉，雯雯數天前在IG Story寫下千字文放負，更大爆張致恒婚後仍一直溝女。
雯雯先指自己最近情緒又再崩潰，並發文寫道：「的確我係好失敗，我承受唔到外界嘅打擊，甚至壓力。今日嘅新聞導致我變左（咗）騙子，收到好多msg話我借張致恒出位，如果唔係邊有人識，但我從來冇諗過要出名，甚至做一個名人，我只係已經被逼度（到）爆煲，諗唔到其他地方去發洩，所以就會不停打一啲嘢出嚟，去發洩自己嘅不滿同情緒或者委屈，我從來冇諗過後果，亦都冇諗過之後發生嘅事，我只係嗰一刻好辛苦，所以就打出嚟。」
-
- Steven曾被爆「一腳踏五船」。
-
- Steven與雯雯在2019年9月簽紙結婚。
-
- 張致恒與雯雯結婚逾三年，育有三個兒子。
-
- 細仔去年6月出生。
-
- 雯雯出心出力湊仔。
-
- 雯雯之前只得單人BB車，湊三個仔仔出街相當麻煩。
-
- 雯雯不時大呻經濟有問題，早前更自爆疑受老公連累被追債。
-
- 試過分享上網買BB車被騙經歷，得到熱心網民送贈雙人BB車。
-
- 出入方便了很多，早前一拖三去睇黃鴨。
-
- 張致恒年初在開平酒吧演出，全程走晒音。
-
- 雯雯曾出post鬧爆張致恒又懶又廢，對小朋友冇責任心。
-
- 雯雯多次出post鬧爆張致恒。
-
- 沒錢讓囝囝搭車返學。
-
- 雯雯多次發文數臭老公。
-
- 同日晚上再鬧爆張致恒「一毫子都冇拎過出嚟」。
-
- 更直指是被張致恒逼癲。
-
- 張致恒早前出po搵人贊助登台衫。
-
- 張致恒被發現在銅鑼瀛派安全套。
-
- 張致恒早前被網民拍到在小食店打工。
-
- 雯雯狂數老公，轉頭又認有第4胎。
-
- 有網民私訊雯雯，問及交租狀況及有否考慮放棄第四胎等問題，雯雯坦承即將「卸貨」。
-
- 張致恒頻頻更新IG，似乎要為自己改形象！
-
- 舉家去書展，大細仔一齊睇圖書。
-
- 雯雯早前貼出孕照相，更指自己日日都着呢件黃色鬆色裙。
-
- 張致恒早前凌晨突然直播，自揭與老婆雯雯關係。
-
- 雯雯再次發長文放負。
-
- 指老公張致恒婚後仍然不停追求異性。
-
- 雯雯挺巨肚疑似離家出走。
重提老公不滿被數臭倒米
她又解釋要開設收費平台，是排除有黑心或並非真心關心自己的人在其社交網出現，又可賺錢交租及用作一家生活費，她直指「試問有邊個會鍾意俾人笑做小丑」，但如非這樣做，「我成個屋企就會瞓街」。她隨即將矛頭指向張致恒：「你要去怪我去製造負面新聞倒你米，影響你嘅事業，甚至所有嘢。點解你唔諗吓五年裏面，你有冇真真正正改變過安守本分? 我喺屋企捱生捱死，大住肚照顧小朋友，你冇比（畀）任何嘅金錢我哋去食飯買奶粉尿片睇醫生，我都係靠自己，不停揾朋友幫。嗰段時間，我從來冇質疑過你任何嘢，我只係同自己講好快就會過，你好快就會返嚟，但係結果你返嚟我換來嘅係啲乜嘢？你溝女對住啲女仔去數自己老婆嘅時候，你又有冇諗過我？」
她直斥老公在婚後依然背住她四出溝女，被數臭是理所當然，「我今時今日公開去講你去發洩，我相信你嘅傷害唔會夠我大！我一次又一次原諒你俾機會你，甚至再一次懷孕，但係你從來都冇悔疚心，只係怪我點解要公開。」她再次強調是因為已想盡辦法，沒有能力才要別人幫忙，但稱因承受不了外界的評論，所以今個月便會取消她每個月收費50元的IG帳號，並承諾會退錢，她寫道：「我希望從此之後，所有嘅人都可以放過我。」
挺巨肚拍照疑暗示離家出走
雯雯今日（15日）又突然在原本已清空的舊IG帳號貼出相片，見即將「卸貨」的她挺着巨肚，拖住行李出走，並寫道：「我要冷靜幾個鐘」，之後設問答環節，問網民：「有冇地方介紹」，雯雯的舉動再度引起網民熱議，不少網民表示擔心懷孕中的雯雯，但亦有人好奇該張照片是誰幫手拍攝，更有網民猜測是由張致恒親自操刀。
獲頭條日報授權轉載
更多文章：
