林盛斌 變呷醋外父？16歲大女帶男友見家長 網民提議打四圈睇人品
2025-02-02
45歲的 林盛斌 （Bob）是娛圈多仔公，他與太太黃乙頤（Pearl）結婚17年，育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿！林霏兒初長成，更進入拍拖階段，亦打算帶男友回家見父母，對此林盛斌十分擔心，更在IG及FB出post向好友及網民索取意見。
林盛斌大女帶男友返家見家長
養兒一百歲，長憂九十九！林盛斌為了首次見大女林霏兒的男友作好準備，他周六（1日）在IG及FB發帖求助，寫道：「我個女話，今晚帶佢男朋友返嚟見我，請問有啲咩我要注意？」
湯洛雯、戴夢夢叫林盛斌收起利器
林盛斌出post後，圈中好友及網民一呼百應，提議林盛斌準備假髮、麻雀，更勸他先收起利器。陳家樂表示：「戴返個假髮，扮唔係bob」，湯洛雯表示：「入廚房收埋啲刀先」。朱智賢表示：「搵人綁住你對手」，戴夢夢也指：「收埋把鉸剪」。
何浩文則列出4點讓林盛斌參考，「1.全程保持一個你知佢想點嘅微笑；2.間唔中望住佢，到佢望到你望佢就點住頭望去等二度；3.唔好同佢講太多嘢，講到重點嗰句就停低唔好講；4.佢走嗰下同佢講，得閒再過嚟坐。」而江嘉敏和Patrick Sir林溥來同樣建議林盛斌，要保持禮貌的笑容。
-
- 林盛斌（Bob）是娛圈多仔公
-
- 緊張爸爸林盛斌去年大女16歲生日時，曾在社交網貼出父女合照
-
- 林盛斌一家五口穿上喜慶華服跟網民拜年。
-
- 林盛斌為了首次見大女林霏兒的男友作好準備，他1日在IG及FB發帖求助。
-
- 湯洛雯、戴夢夢叫林盛斌收起利器。
-
- 江嘉敏和Patrick Sir林溥來同樣建議林盛斌要保持禮貌的笑容。
-
- 林盛斌一家2日去了汪明荃家中拜年，席間巧遇盧瀚霆和呂爵安。
-
- Bob嫂黃乙頤（Pearl）2日在IG的限時動態貼出與汪明荃及羅家英合照。
-
- 林盛斌早前與大女睇戲。
-
- 16歲大女林霏兒越大越靚女。
-
- 林盛斌經常貼家庭相。
-
- Bob嫂懷孕期間受盡苦難。
-
- Bob嫂認為小朋友是天賜的禮物。
網民提議林盛斌跟愛女男友打四圈
另有不少網民拋橋，「打番4圈先」、「準備副麻將，睇女婿牌品」、「排品好就是人品好，人品好就可以安享晚年」、「問佢有幾多身家，父母做咩職業，住係邊到，幾時娶你個女」、「千奇2公婆見到唔好流口水」、「記得做足安全措施」、「友善接待女兒的朋友，同你接待自己朋友到家一樣，都期望仔女乖巧、懂事、有禮，而家相對一樣吧，好好認識下、了解下，個男仔都驚㗎！見家長，你想下自己當年，何況你咁有名、名人嚟喎！」
還有網民溫馨提示林盛斌，「要注意你的血壓…先量量有冇突然上升，深呼吸…一呼一吸…要冷靜冷靜」、「留意一下廚房的刀仔有冇磨利咗沒有，轉頭食咗啲血壓藥，留意血壓！」
獲星島頭條授權轉載
更多文章：
內地舅父農曆新年帶一車「神秘禮物」拜年 外甥女一見「眼神死」崩潰絕望
柬埔寨14歲男童懂16國語言 家貧需在街上擺檔養家 長大後現況曝光
即登記成為Oh!爸媽會員，或加入Whatsapp媽媽谷，緊貼第一手親子資訊。
