朱慧敏14個月大愛女竟然識做家務? 43歲靚媽三年抱兩下月卸貨

2025-02-22

43歲的前港姐亞軍朱慧敏，自2021年與心臟科醫生陳良貴結婚後，幸福生活備受關注。她在前年10月迎來愛女Shera，去年平安夜又宣布懷有第二胎，目前已懷孕七個月，預計下月迎接新生命。即使身懷六甲，朱慧敏依然堅持親力親為照顧家庭，並未聘請女傭。最近，她的14個月大女兒更成為她的小幫手，學著幫忙做家務，母女溫馨互動讓網民大讚Shera叻叻，更反問：「點解可以咁乖㗎？」

14個月大Shera變身「家務小幫手」:

朱慧敏日前（11日）在IG分享短片，展示她與Shera一起處理家務的畫面。她簡單地寫道：「最佳拍檔！」影片中，身穿紅色連身衣的Shera看到地上的白色洗衣籃時，媽媽便笑著說：「娃娃幫媽媽推，我哋洗衫喇！」Shera聽話地用小手推著洗衣籃，模樣可愛又乖巧。

影片中，朱慧敏不斷鼓勵女兒，並開心地說：「你睇吓佢幾乖，佢就係由我個衣帽間攞咗個洗衣籃，一路推推推推，推到去廚房門口，之後佢就見到我洗衫喇！多謝你啊！」接着朱慧敏又拿出抹地紙問Shera：「點樣抹地啊？點樣幫媽媽抹地啊？」Shera拿去抹地紙即彎着腰抹地，Shera向前抹了幾下，朱慧敏便笑說：「平時媽媽係咪咁樣抹地，係咪呀？」朱慧敏看見Shera走向鏡頭前，即從後攬實Shera說：「唔該晒你啊！多謝你啊！最佳拍檔，唔該晒！」Shera開心得笑到見形唔見眼，朱慧敏更錫鍚女兒，並說：「我好多謝娃娃，你睇，佢只得14個月大，佢又抹地，又幫我攞衫去洗，我好多謝肚裡面嘅BB啦！因為我覺得佢好強壯，我日日都咁樣郁，又煮飯……」

朱慧敏還提到，自己懷孕期間依然每天忙碌，做飯、家務樣樣親力親為，她感恩肚子裡的寶寶非常健康，也感謝Shera這位「超級小幫手」，讓她的生活充滿樂趣與幸福感。

除了協助做家務，Shera在影片中還能準確指出自己的頭部、頭髮和腳等部位，表現出色。網民紛紛留言稱讚：「真叻叻，手腳協調得好好」、「太可愛，好叻女」、「點解可以咁乖㗎？」、「SheRa好聰明呀」、「果然有你們優良遺傳」、「好用心的好媽媽，幸福的孩子」、「超級叻女身教的表現教育極好」。

即睇朱慧敏家庭照：