黎耀祥 曬一家三合照為太太慶生 27歲餅印仔罕露面 外形有變化

TVB三屆視帝 黎耀祥 近年大幅減產，移居內地進軍抖音行列，主力拍片介紹各地美食，實行轉型做「美食KOL」，直到近期終於回歸TVB，與麥長青（麥包）主持旅遊飲食節目《江湖見》，黎太Julia當然陪伴在則，日前黎耀祥貼上多張在美景下的照片並留言：「《江湖見》見美景，如詩如畫！」

日前是黎太Julia的生日，身為「愛妻號」的黎耀祥當然為太太製造驚喜，其後Julia亦在社交網貼上多張慶生照，記錄這個美好時刻，當中還有兒子黎正橋的踪影，已經27歲的黎正橋身形相當高大，比爸爸黎耀祥還要高，而且兩父子似足餅印，不過略見肥胖。

黎耀祥同囝囝似足餅印

黎耀祥與太太Julia結婚28年，Julia一直充當賢內在的角色，同時亦擔任黎耀祥經理人打點事業，黎耀祥與Julia婚後育有兒子黎正橋（Kirk），兒子已經26歲，曾因為載李麗珍女兒倚榕兜風而傳出緋聞，早年黎耀祥努力北上吸金，於2016年供兒子到美國留學，曾因兒子在美國讀書期間，在社交網晒出多部名車，包括價值310萬的McLaren跑車、大黃蜂Camaro座駕，又見有金鋼Daytona，而被指過份炫富，更有每個月生活費高達港幣20萬元。

黎耀祥稱兒子曾因星二代份被針對

黎耀祥當時護子心切，表示車和手錶是自己所有，他又曾表示兒子曾因「星二代」身分被部分同學針對：「佢實際上冇做過啲乜嘢，只係人哋睇唔過眼，又或者只係因為爸爸有名氣，佢一直忍氣吞聲，我絕對相信佢唔會做出挑釁其他同學嘅行為。」黎正橋完成學業後已經返港，黎耀祥曾指表示：「佢都要有自己人生，建立自己事業㗎！冇得為佢準備，佢都要靠自己。我覺得呢個時間配合得特別好，佢長大成人，我就返內地玩又好，做嘢都好，唔使為佢再操心。」

獲星島頭條授權轉載

其他文章：

黎耀祥 太太變瘦撞樣劉小慧 結婚27年做經理人助老公登視帝寶座

馮盈盈分享 營養早餐 幫DSE考生打氣 有助集中思路/增強記憶力/提升學習效率

即登記成為Oh!爸媽會員，或加入Whatsapp媽媽谷，緊貼第一手親子資訊。