中年好聲音3｜「抗癌戰士」任永健14強止步 錯過兒子成長慘被當陌生人

TVB真人騷《中年好聲音3》昨晚（6日）播出的一集是「中2生助力賽」下半場競賽，最高分數由兩代「重炮手」劉洋與沈宗賢合唱《讓我一次愛個夠》獲得94分， 經過一輪生死決後，12強選手終於誕生。《中年好聲音3》決賽登峯之戰將於5月11日假啟德體育園啟德體藝館舉行，屆時逾七千位現場觀眾齊來見證《中年好聲音3》王者誕生。

12強選手成功誕生

成功晉身12強的包括有善玥澄、羅逸軒、劉曉昆、曹越、趙浚承、王鄭浚仁、占士 丁丁、黃博、張與辰、劉洋、李金凱和陳芷盈，阮慧珊和任永健則於14強止步。「抗癌戰士」任永健13年前確診鼻咽癌，一度因病失聲，他曾表示參加《中年3》目的為了做個好榜樣給孩子，他在台上的一番感言，觸動了不少網民。

參賽為了做個好榜樣給孩子

14強止步的「抗癌戰士」任永健，13年前確診鼻咽癌，一度因病失聲，他曾表示參加《中年3》目的為了做個好榜樣給孩子，勇於挑戰，追尋夢想。昨晚宣布任永健在14強止步後，他在台上分享感言：「爸爸今日終於舞台離開，喺呢個社會、世界裡面叻人有好多，但輸咗唔代表乜咩，係一個經歷，令人生繼續前進嘅一部分。唔好因為對手好叻就怕而唔玩，爸爸想你知，爸爸日日要對住『大魔頭』，其實爸爸每日都好驚，但我都會繼續努力。冇諗過自己喺呢個比賽得到好多好多嘢，周Sir雖然成日畀好低分，但佢係一個無論台前定台下都對我好鼓勵、畀到好多信心，亦都畀到意見我嘅一個評審，我覺得好感動，多謝。」向來暖心的肥媽隨即給愛的鼓勵：「你冇輸，你第14名呀！」

任永健未有想過自己可以上電視

其後任永健在節目尾聲，看到自己昔日的表演片段，他續說：「嗰陣時冇諗過自己可以上電視，呢個係我第一次上電視，感覺真係好夢幻，冇諗過自己可以做到，可以喺咁多人面前喺大氣電波面前唱歌。其實係小朋友嘅力量，令到我有呢個勇氣參加比賽。因為我想同佢證明一啲嘢：『努力做就得㗎啦，你睇吓爸爸。』」任永健還說：「我能夠留喺呢個舞台有好多因素，可能係好彩，又或者可能係你嗰日嘅表現狀態好，但係你唔知呢個機會幾時就會冇，所以我好珍惜每一次喺《中年好聲音》畀我嘅機會。但係一諗到呢度，我就諗起我個小朋友。」他哽咽道：「8個月啦，我個小朋友歲半，大個咗好多。我有時都喺度諗，我係咪好自私去做自己想做嘅嘢，忽略咗我屋企。我見到我小朋友歲半，但係過咗有一半嘅時間我冇乜點陪過佢，佢好似唔識我咁樣。我係咪要繼續堅持㗎？再堅持得唔得㗎？我小朋友會唔會唔記得我？但係撐到呢度，我覺得對所有人都有交代。」

任永健感言觸動了不少網民

任永健的一番感言，觸動了不少網民，有人在《中年3》的FB群組留言，有人說：「本應不止於此，今次輸在歌畀人棟，Key又畀人棟…莊變咗閒。」、「以素人嚟講佢好大進步。加油。」、「早幾round唱快歌那次，聽他說的話，覺得他已經想著會被淘汰了，然後可以留到今round，他可能覺得已賺了，所以即使得81分，感覺他都坦然接受。」、「選歌都仲還算可以，但個Key低成咁，好明顯唔啱永健唱。」、「雖然我唔係佢支持者，但見他今晚好努力表演時，班評審好唔buy，木無表情，佢哋好差咯，不過當宣布佢要foul時，有其他參賽者都好唔捨得佢，但另一個被foul 嘅，冇人理佢咁，所以任嘅人緣不錯呀，加油。」

任永健有份參與港珠澳大橋興建工程

任永健現為一名土木工程師，有份參與港珠澳大橋興建工程，任永健12年前曾確診鼻咽癌，雖然治療期間是人生最痛苦的時間，但他仍覺得患病令他得著不少，令他深深體會到太太如何不離不棄的同時，更令他放下執著，活得正面：「之前覺得自己係悲劇男主角，但病之後個人放鬆咗。而家新識嘅朋友，都會覺得我係一個非常積極、正能量嘅人，好鍾意呢一個感覺。」任永健還坦言今次參加《中年好聲音3》目的希望為孩子樹立好榜樣。

星島頭條授權轉載

更多文章：

皇室堡 玩具店驚現「賊父子」 明目張膽偷玩具 網民：教壞下一代

美國小一女童收 鑽戒 嚇壞媽媽 竟是6歲男童偷嫲嫲戒指「告白」

即登記成為Oh!爸媽會員，或加入Whatsapp媽媽谷，緊貼第一手親子資訊。