逾20巴士迷企大欖公路影相 遭驅趕後亂過馬路 險象環生

近日接連發生有巴士迷為拍攝巴士，突然衝出馬路，危害自身及他人安全，引來多名網民批評。今日（15日）網上瘋傳一段影片，近20名巴士迷於大欖企出公路影相，其間被兩名交通警驅趕，畫面猶如「大遷徙」。有網民認為他們的行為罔顧安全，警方應該票控他們亂過馬路，「罰吓錢自然會學乖，錢多唔緊要，一個月十萬八萬，罰罰吓就肉赤」。

巴士迷持相機長鏡拍攝

有關片段長約32秒，未知何時拍攝，片中見到大約20名、手持相機長鏡的少年巴士迷，從青山公路新大欖段跑到迴旋處，亦有人跑到橋底躲避，不遠處有兩名交警員駕駛電單車響號驅趕。有部份巴士迷嘻嘻哈哈，其中亦有人不斷表示：「我哋係咪要走？」、「我哋都無出到去」、「放過我」、「唔好搞我呀」。片段就此結束，未知少年最後有否被票控。

多名網民認為該批巴士迷行為魯莽，又指警方應該票控他們亂過馬路，「警察真係要做多啲嘢，而家完全亂晒籠，唔檢控吓罰吓佢哋錢，啲家長唔會識管理佢哋」、「咁得閒去做下義工幫下啲有需要嘅人啦！ 影巴士唔緊要係你哋嘅自由，但係唔好咁樣呀， 影響到人，自己又危險」、「越危險地方影得越靚？」、「罰曬班個個$2000就啱啦」、「已經有長炮都仲要出馬路影相」，另有駕駛者留言表示自己亦曾目擊巴士迷站在路中心影巴士，險象橫生，「有次係大棠迴旋處，成班衝出嚟嚇Ｘ死我」。

前日（13日）將軍澳亦有巴士迷為拍攝期間限定的X797雙層城巴，竟從路中石壆衝出馬路，過程險象環生，有巴士車長更擔心發生危險需要報警求助。

獲星島頭條授權轉載

更多文章：

傷殘青年坐城巴 關愛座 被逼讓座 遭大嬸辱駡兼查傷殘證：「我點知佢跛㗎？！」熱心大叔代抱不平

重慶長江邊多人「放生」礦泉水替代魚類 網友：幾時放生人民幣？