香港快運 ｜港男搭飛機遭滾水淥手 上網公審頑童行為 涉事童母澄清：大話連篇+惡意剪輯 準備發律師信

有港男日前搭乘 香港快運 （HK Express），由越南富國島回港，在機上淥杯麵時，被滾水燙傷手，他在網上公審前座一名小童「喺度跳」，引致他被滾水淥手，又公開兩段短片，指小童母親罵他「黐Ｘ線」，引發網民熱議關注。

（30/4 更新）涉事小童母親May（化名）主動聯絡《星島頭條》澄清事件真相，她表示，該港男葉先生指控她的兒子在座位上蹦蹦跳跳，絕無其事，「葉先生嘅指控嚴重失實，完全係大話連篇。」

她表示，她兩名兒子在機上全程「冇騷擾其他乘客，更加冇喺座位上蹦蹦跳跳」，她已聯絡航空公司，請求協助，包括提供當日當值空姐的口供，及希望找到附近座位的乘客做證明。

她指出，事發時有兩位空姐推着餐車，正在她旁邊工作，應該目睹事件，「佢哋可以證明我個仔當時冇任何蹦蹦跳跳嘅動作。」她又模擬當時港男放杯麵情況（見下圖），「估計佢部機咁樣『紮』咗落去杯麵度所以倒瀉咗」。

May模擬當時港男放杯麵情況「估計佢部機咁樣『紮』咗落去杯麵度所以倒瀉咗」。(May提供)