走出引產哀痛 為圓愛女做家姐心願再懷孕 58歲陳麗麗無懼網民批評：做人要有口德
2025-05-08
58歲黃澤鋒太太陳麗麗，6年曾「超高齡產婦」剖腹誕下精靈健康女兒黃熙恩(小黃妃)，今年佛誕兩公婆於社交平台宣布再做父母，腹中孻女「小黃妃2.0」已5個月大，預產期為今年9月。兩公婆恨追B有無比決心，唔會受任何抨擊影響。陳麗麗更自爆去年底第一次做人工受孕，陀唔穩時要做引產，難忘小產的痛苦經歷：「喺浴缸一日一夜，屙足4公升血！」再做媽媽的勇氣值得佩服！
「超高齡孕婦」陳麗麗陀住5個月孕肚，精神狀態不錯：「今次陀得好靚，冇水腫，仲長胎唔長肉，而家只係重咗幾磅，體重維持167磅，冇乜唔舒服。」