$500萬買200呎單位 供樓 供到80歲？！單身中女因一理由摸頂置業 網民心酸：其實幾淒涼

一名單身中年女子近日被同事爆料，指於2021年摸頂以$500萬買入一間面積約200多呎的單位，貸款30年， 供樓 供到近80歲。對於這位中女的高齡上車，網民大多不甚理解，認為做法傻豬，但原來事主有一個令人心酸的淒涼原因。

單身中女大膽做高齡上車族？

樓主近日在社交平台Threads發帖，指「今日在一向好安靜的office（辦公室）突然有人情緒激動咁大叫」，於是引出該名中女的故事——

樓主續指，「嗰個人係50歲度的女同事，大叫原因係工作同生活壓力太大。（老闆知佢供緊樓，等錢使，而且年紀大，唔會離開到間公司，所以俾好多workload（工作量）佢）。

之前同過女同事傾計，知道佢在21年將自己8成身家高位入手差唔多$500萬的200幾呎單位，貸款30年，即係佢要供到80歲。問佢點解得自己一個人住都要買樓，仲要供到80歲？女同事話當年紀再大啲，6X歲，係好難租樓。