從18蚊兩餸飯看英國小型名校｜Samuel Chan
2025-07-09
剛獲陶傑認證嘅「香港新四大才子」：葉朗程、林作、「光明頂姜濤」馮智政及鍾培生，近排鍾培言論非常惹火，呼籲「嗰啲18蚊窮遊嚟香港就唔好嚟啦，可以留喺內地，好好生活」，而引起內地熱烈議論。
Derek又建議政府，內地小紅書「兩餸飯窮遊」來香港，應該同時出示香港住酒店Booking通知，同埋銀行資本證明，證明來到香港之後唔會霸住麥當勞通宵免費瞓覺，亂拋垃圾，增加香港基層清潔工友負擔。Derek名言：「香港向來係一線城市，出名貴，如果嫌香港物價消費成本高，就唔好嚟。」
Derek咁講，好有性格，針對內地近年來消費力退步、但係又慕名香港東方「豬豬」呢個世界名牌國際貿易都會到此一遊嘅國內青年旅客，本來係講老實說話、善意提醒，不過就可能令到佢哋少數人覺得有少少hurt。
鍾培生事件，我覺得帶出咗一個同留學英國都幾有關聯嘅心理問題。