詹瑞文前妻甄詠蓓罕談離婚：唔想做怨婦 女兒受家變影響 曾幻想父母會復合
2025-09-20
新一代喜劇大師的詹瑞文（現名詹昊宸）在2013年結束與舞台劇導演兼及戲劇導師 甄詠蓓 （Olivia）長達20年婚姻，女兒詹樂童由母親撫養。詹瑞文與甄詠蓓識於微時，二人共同創立PIP文化產業，有指二人離婚前的兩年才註冊成為夫妻。詹瑞文曾表示，離婚後女兒由甄詠蓓照顧，二人仍保持良好關係，再見亦是朋友。
甄詠蓓 罕談與前夫詹瑞文離婚
甄詠蓓早前接受方健儀的YouTube節目「女人方言」訪問，罕有談及與前夫詹瑞文離婚，甄詠蓓坦承已醞釀一段日子，當決定離婚的時候，「腦海一片空白，好shocked」，但同時因家庭環境的轉變，女兒竟然留班：「佢可能好混亂，亦好敏感，唔識表達。後來我發現，我情緒ok，佢就ok。」結果甄詠蓓決定多陪伴，多聆聽，陪著女兒一起經歷，直到現在母女的感情要好，就像朋友一樣。
-
- 1993年，詹瑞文與甄詠蓓創辦劇場組合劇團。兩人育有一女。
-
- 2012年詹瑞文與Amenda發展婚外情，翌年跟甄詠蓓離婚收場。
-
- 女兒由甄詠蓓撫養。
-
- 7月9日是甄詠蓓56歲生日，與廿歲出頭的女兒詹樂童（Jolie）等人慶生。
-
- 甄詠蓓為女兒詹樂童慶祝19歲生日。
-
- 甄詠蓓早年生日，大肆慶祝。
-
- 甄詠蓓早年生日，大肆慶祝。
-
- 甄詠蓓早年生日，大肆慶祝。
-
- 甄詠蓓桃李滿門。
-
- 甄詠蓓罕談與詹瑞文離婚的經過。
-
- 甄詠蓓的女兒曾受家事影響而留班。
-
- 甄詠蓓稱女兒澳洲攻讀物理治療。
-
- 小時候的甄詠蓓與父母。
-
- 活躍於劇場的詹瑞文，後來投身影壇拍過多部電影。
-
- 《我要做Model》婚禮拆人情橋段是經典代表作。
-
- 《我要做Model》婚禮拆人情橋段是經典代表作。
甄詠蓓與前夫決定分開腦海一片空白
談到當日離婚經過，甄詠蓓說：「我諗好多女性都希望有一個幸福嘅家庭，但係好多時候係事與願違。因為喺好多原因之下，可能性格不合、生活上嘅不適應，其實就有一個好似叫夢嘅破碎。其實離婚之前嘅一段日子，一定係醞釀咗好多問題，我同前夫決定分開嘅時候，其實腦海係一片空白，因為呢件事好shock，當時我個女兒仲好細，七、八歲，你只有一樣嘢，就係要保護佢，一個母雞嘅本能，我一定要保護我嘅女兒。」甄詠蓓稱最初一定有很情緒：「有一日會好傷心、有一天會婉惜、有一天會好生氣，我記得有個朋友同我講，千祈唔好抑壓自己嘅情緒，你今日生氣，要接受自己生氣。你今日好傷心，要接受自己傷心，呢個係一個好好嘅提醒。」
甄詠蓓女兒在澳洲讀物理治療
甄詠蓓聽從朋友的意見，給自己接受情緒，慢慢開始接受，處理人生同面對將來：「喺低谷嘅時候我睇到自己好多好嘅嘢，亦睇到自己嘅缺點。原來我係一個好驕傲嘅人，小時候都叫少年得志，有啲睇唔起人同自我，我要喺整個過程學識謙卑。原來我都唔係一個好依戀過去嘅人，可以好撇脫，我亦唔鍾意做怨婦，唔鍾意埋怨生命、埋怨別人，我覺得有路可走，只要你嘅心係善良嘅時候，我相信嗰啲善良係可以幫你過度危機。」不過與前夫離婚後，甄詠蓓說：「因為佢仲細，唔知點樣同佢講，我哋分咗1、2年，佢仲有幻想我哋會喺返埋一齊。我唯有用佢識得嘅語言同認知話畀佢知，陪伴都好重要，我記得分開第一年，佢留班，我知係屋企嘅問題，所以用方法去幫佢，一齊走過呢個經歷。」甄詠蓓的女兒已經21歲，母女的感情很好：「佢而家喺澳洲讀物理治療，我哋嘅關係好似朋友。」
文章獲星島頭條授權轉載
其他文章:
