富爸爸車廂內教仔「再唔讀書要揸的士」 司機一番話令爸爸顏面掃地
2023-06-21
行行出狀元!有的士司機在社交網站上分享一宗工作見聞,他表示自己日前載了一對父子到某豪宅地段,在整段路程,爸爸一直在教訓兒子,指他不學無術、不思進取等,更揚言「你一係唔好再讀書喇,去揸的士啦」,更叫司機幫忙「講句公道話」,結果他的一番話令爸爸無地自容!
有的士司機在Facebook群組「的士司機資訊網 Taxi」分享,指早前接了一對「貴客」父子到返回豪宅,沿途爸爸不停罵兒子:「話佢唔生性唔上進,20幾歲一啲成績都冇」。後來爸爸更苦口婆心地跟兒子說「你一係唔好再讀書喇, 去揸的士啦」,怎料兒子反問「揸的士好失禮咩?」,爸爸便回答:「唔係失禮,不過日日揸10幾個鐘,搵得又唔多,隨時周身病痛,做埋唔夠睇醫生!唔信你問吓師傅(的士司機),有得選擇佢會選擇坐辦公室定揸的士?你想住豪宅定劏房?係唔係一定要做低下層先開心?」
此時爸爸再問司機月入多少時,司機似笑非笑地回答「大概18萬左右,未計其他入息」,令父子二人頓時語塞。隔了一會兒,爸爸又再問「揸的士有咁好搵咩?」,司機就表示揸的士一個月最多能賺5萬元,而他其他的收入來自收租,年薪大約有250萬,兒子聞言便搶白:「我爸爸年薪都未夠50萬。」後又表示「咁我讀咁多書做咩?」。
司機就回答:「邊個父母都希望自己兒女可以出人頭地,讀書始終係好事,我其實想讀,不過屋企太窮,窮到剩係得錢,又有咁多的士要處理,爸爸好早已經要我幫手管理,所以無得讀書。我爸爸淨係識俾錢我咋,一啲父愛都無,見你爸爸勸你讀書好感動。」最後二人久久無語,司機將父子送到目的地後,他們就匆匆下車離開。
最後,司機在文末寫道:「諗住踩我幫你教仔?我吹(吹噓)到你懷疑人生呀!」很多網民看到此故事後,雖然知道司機有誇大收入的成分,但都紛紛表示「行行出狀元」,大家不應以一個人的職業來衡量他人:
來源: Facebook群組「的士司機資訊網 Taxi」
更多文章: