【真係有奇蹟】血癌媽9個月「誕」4女
2017-01-11
有時生BB的嘢，真係要講緣份，無得強求。
好似英籍印裔的Lytina，17歲患血癌，持續的電療、化療，雖終獲弟弟的骨髓移植，病能痊癒，但醫生就話佢日後無法懷孕生B。
年青的Lytina初時無乜嘢，直至結了婚，她才懂傷心。
婚後第三年，她跟老公開始想擁有完整的家，故此明知唔得，佢都不斷嘗試人工授孕。
前前後後她流產17次，連回印度找代孕母植入胚胎，都試過6次但無次成功。
Lytina徹底絕望，打定輸數想放棄，點知你唔求，個天偏偏就俾你。
她居然發現自己懷孕，陀住B女，仲要係自然受精，絕非人工。更意想不到的是兩個月後，她在印度的代孕母亦證實懷有孖女。
神奇的事豈止如此，三個女兒出生後不久，Lytina又證實自然懷孕，是名女兒。
今次女嬰提前28周早產，就係咁，Lytina喺 9 個月內同時「誕」下4名女兒。
現時，Lytina忙着照顧 4 名幼女。
她們五、六日用完一盒82條的尿片，還有奶粉、嬰兒食品不計其數。但Lytina一啲都唔覺辛苦，仲話：「雖然無得出街，生活忙到癲，但我好享受、好愛跟她們在一起。」
從來都話：最能改變大人，把大人無限潛能和愛發揮出來的，永遠都是孩子。
資料及相片來源：www.nottinghampost.com