李璨琛兩女同中一病毒 6歲Lucy病足五星期勁殘病樣: 咳到懷疑人生
2024-04-27
最近本港爆發腺病毒疫情,繼上月吳浩康(Deep)公開其一歲半大的兒子「撐撐」吳尚恩染病之後,李璨琛的兩個可愛女兒李元元(Lucy)和李斐斐(Sucy)也相繼確診感染。早前(25日),Lucy媽梁志瑩(Sophia)在社交網站上曝光了女兒的病容,引起許多「Auntie級」網民表示心痛。
Lucy媽梁志瑩早前凌晨於IG Story貼出1歲細女李斐斐(Sucy)半夜熟睡照,並透露妹妹疑似被6歲家姐李元元(Lucy)傳染腺病毒:「最近心好累,家姐之前腺病毒搞5咗成個幾禮拜,好番冇耐,又突然間發高燒流鼻涕,今日又咳到肺癆咁,然後阿妹琴(噚)日又突然間發高燒,跟住今日又發現佢有好多眼膠,然後我發現佢應該都係中咗腺病毒,我今日就係不停幫阿妹抹眼屎搽精油叫家姐食中藥,無限輪迴。#小朋友病真係慘過自己病 #徘徊在客服梁與護士梁之間」
至下午Lucy媽梁志瑩再出Po:「一睇就知佢琴(噚)日經歷咗好多 #好一個咳到懷疑人生嘅樣 #媽媽最近都真係headintheclouds」相中所見,病到眼腫腫的Lucy「大」字形攤在軟墊上,一頭亂髮猶如「生意失敗」般沒精打采地發呆,與平日精靈活潑樣極大反差,不少網民都大嘆「陰功豬」,又指Lucy眼袋變大殘了許多,亦有人同情Lucy的病容被公開:「每次阿媽都影到最衰一面」、「好衰呀,人哋唔舒服㗎。家姐,快快好番。」
即睇Lucy近照:
更多文章:
醫療事故︱針頭殘留內地初生B身體 5年後移位至頸或成「計時炸彈」
好爸爸吳浩康粥店開騷養家? 網民力撐: 好過貼個QR code叫人救濟