萌爆包包是前世情人 徐榮自稱不合格奶爸
2017-02-18
徐榮囡囡包包（原名：徐心怡）因演出無綫處境劇《愛．回家》馬家好一角爆紅，萌爆樣子深得觀眾及網民歡心，旋即成最具人氣萌B。包包廣告及活動接踵而來，與徐榮經常父女檔上陣，默契十足，徐榮卻自稱是個不合格奶爸，但觀乎包包與徐榮的互動，又餵爸爸食零食，又幫爸爸抹面，就知喺包包心目中徐榮絕對是滿分奶爸！
（presented by Johnson’s)
拍廣告成另類成長日記
去年只得幾個月大時，包包已接拍強生嬰兒廣告，當時包包還是手抱BB，眼碌碌笑咪咪樣子人見人愛，廣告出街後大受歡迎。廣告商再次找包包encore 拍攝新一輯廣告，16個月大的包包已經大個女，跌跌撞撞在拍攝現場周圍行、周圍玩，cute 到暈！徐榮笑言：「多得廣告商厚愛，連續找包包拍咗兩輯廣告，見證佢成長，變成另類成長日記，記載我哋相處嘅時光，將來等佢大個睇返都幾得意。」
▲憑「馬家好」一角走紅後，包包即被廣告商睇中拍廣告，當時包包只有3個月大。
▲現在包包已經16個月大，正是學行階段，最鍾意拖住爸爸周圍行。
自評不合格奶爸
包包幕前演出不斷，經常父女檔上陣，令徐榮成功建立奶爸形象，但徐榮卻自慚形穢：「我心目中合格嘅奶爸係可以有好多親子時間陪小朋友，但做演員放假、放工都唔定時，好難做好奶爸角色。」
徐榮放假堅持抽空陪哥哥踢波又與包包到遊樂場玩，爭取更多親子時間。訪問當天拍攝地點就在遊樂場，徐榮與包包玩到不亦樂乎，雖然自稱不合格奶爸，但眼見徐榮當日湊女絕不雞手鴨腳，玩樂、清潔、食小點心都應付自餘，這個奶爸其實好稱職！
▲雖然工作忙碌，徐榮一放假就爭取時間家庭樂，與包包到遊樂場玩是重要節目。
▲包包對事事充滿好奇心，經常周邊摸探索新事物。
▲包包鐘意食嘢，但又成日食到面仔污糟哂，有包「強生嬰兒多用途清爽柔濕巾」跟身，就隨時可以清潔。徐榮大讚產品的優質純水配方夠溫和，又無添加MIT、paraben、酒精及香料，通過敏感測試，適合清潔BB臉、口、眼周圍的肌膚，用得安心又放心。
▲自稱不合格奶爸，但其實徐榮好細心，行完草地後即時用「強生嬰兒多用途清爽柔濕巾」幫包包抹腳。
最難忘24小時湊B
長子徐朗今年已9歲，相隔多年再做爸爸，卻未有生疏，「好多年前，囝囝出世時會手忙腳亂，但而家湊包包就好駕輕就熟，哈哈！」問到與包包最難忘的一件事，竟然與湊女有關。「有次太太同朋友去旅行，結果做了24小時全職奶爸。朝早陪玩，夜晚陪瞓，好記得明明好攰，但望住個女瞓得好甜，真係望到眼甘甘唔捨得瞓。」看來女兒是爸爸的前世情人的傳說，真的所言非虛。
▲有了全職奶爸經驗，徐榮就有這個奶爸必備袋，除清水、包包最愛的零食、替換衫褲外，「一定要有濕紙巾及紗巾，前者方便清潔，後者係氹包包瞓覺時必備，唔知點解佢一蓋住紗巾就好易瞓着，用紗巾仔唔怕焗親。」
▲包包鍾意食嘢，但都願意與爸爸分享，難怪爸爸咁冧。