【萌爆嬲嬲豬】教訓爸爸多應酬:我批評你是為了你好,你懂事才是一個好爸爸!
2017-02-23
小朋友鬧爸爸媽媽當然並非好事,但如果係發自內心嘅關懷,爸媽又點忍心鬧返小朋友轉頭!內地就有個妹豬,因為爸爸太多應酬好心痛,竟然對住爸爸訓話,句句都擲地有聲,爸爸只好低頭認錯。由於妹妹個嬲豬樣,同埋語氣都太搞笑,短片被網民瘋傳。更有人笑指係媽媽教佢講,如果真係咁,港爸們又受唔受落呢?
片段一開始,妹妹就話爸爸成日應酬夜歸,話「我不喜歡你了。」其實佢之所以咁講,可能係太想爸爸陪,「看你可想出去吃飯了,我不喜歡你了。你怎麼天天有場(飯局),天天有場。回來那麼遲,我們已經睡好了,你到現在才回來。」
▲妹妹扁晒嘴,冇爸爸陪真係好唔開心架。
聽到囡囡咁講,爸爸立即作狀:「對不起對不起。我錯了,爸爸錯了。」囡囡乘勢出擊,仲抄足大人咁話,「我批評你是為了你好。你懂事才是一個好爸爸。」
▲講每句說話都係一臉認真!
之後仲有最後一擊,吩咐爸爸如果聽日有人約佢,記得cut佢線!爸爸嚇到O嘴兼掩面,忍唔住崩潰狂笑喇。
▲爸爸先是O嘴,繼而崩潰狂笑。
足本影片:
網上影片截圖
相關文章: