【荔枝孖媽】生同唔生的決定? 到底人點解想孕育下一代？

我和孖爸結婚之前，都有人問我係唔係因為打算生BB先結婚？

其實我和孖爸交往12年，係3年前先共同走向婚姻。拍咗咁耐拖先結婚，自然會令人認為係唔係因為責任問題，年紀問題等等。

坦白講，好多人未結婚都已經生BB……所以對我嚟講，結婚根本唔係為咗預備孕育下一代，對我哋嚟講只係因為覺得對於自己的人生伴侶，維持僅限於愛人的關係實在係唔足夠，希望將對方變成永遠的家人。

「幾時生BB？」根本上係我哋結婚之後成日都被問及的一個問題…..

有時不禁令我覺得，唔通人類結婚就只係為咗生BB咩？

不過唔好誤會，識我哋嘅人都知道我哋好鍾意、好鍾意小朋友。由我家先生哥哥的小孩，到我姐姐的BB，我們都係真心喜歡同願意花很多時間和孩子相處。

到底人點解想孕育下一代？

生同唔生，兩公婆之間有共識係好重要。

很久以前無諗過自己會生小孩，成日都諗二人世界的確係落得輕鬆自在。

但係好多嘢係會隨著年紀增長，令視野都有所不同，可幸的係我同孖爸都有感受到孝順父母的重要性，亦都了解親情係幾可貴，Family Comes First！

所以當我哋自身感受住父母對我哋嘅愛同時，到自己要去決定係唔係同樣都要去做父母的時候，心中的答案係好正面的，因為我哋雖然唔係出身自富裕的家庭，但係由細到大得到的愛一直都唔缺少。直到現在我們的家人不單止為了我們兩個，亦同樣把愛延伸去我們的下一代，還是會為孖寶奔走、打點。

我想到我媽媽，佢總係省吃儉用，希望俾我同家姐有好的教育。

爸媽努力打拼為了我們，而我們努力打拼為了我們的孩子，然後到我們的孩子也要努力打拼為了他的孩子，彷彿生了小孩之後就係為咗下一代而活似的。

無錯，你的人生唔再係你的人生。你做所有的決定先決要考慮到他們，想好似以前一年去4次旅行都已經再無咩可能。省吃儉用就係為咗佢哋將來做打算，這的確是一個 「甜蜜的負擔」 ！

到依家我當了媽，有時都會認為，生同唔生都是自私。只係選擇不同，但既然選擇咗，就絕對要努力下去。

你/妳有想過要生小孩嗎？

排除其他親友的壓力、經濟的壓力、教育的壓力，回歸到最單純，或者你可以先問自己一個好簡單的問題：喜歡自己嗎？喜歡妳 /你另一半嗎？

如果答案係確定的，我相信你們會加倍的愛鍚自己的孩子，因為孩子是你們夫婦的愛情結晶、生命的延續。

由自我、到搵到另一半，再到成為父母。

由兩個人的小視野開始知道咩叫無私的奉獻同付出，呢個的確係一個好大的轉變，亦都係一個大不同的體驗。但小孩係妳用自己生命製造出來的結晶，最真實的愛情見證。

就算到以家孖寶差不多一歲我還是有點反應不過來，還未完全適應自己真的當媽媽了！

但係如果你問我：有咗孖寶之後係咩感覺？

答案係就好似初相識熱戀的情侶咁，時時刻刻的渴望、熱切、期待、滿足、幸福，就算你已經kiss了他們一千次、望住他們一萬次都唔會覺得厭倦的心情，就連我我自己都無諗過原來生命中係有一種愛單純只求付出，而不問回報的。母愛應該就是這樣吧！