【孩子患濕疹】難為了媽媽 被形容「爛面」最心痛
2017-06-09
「我到底做錯咗乜嘢？」是每位濕疹孩子的媽媽，最常問自己的問題。在香港，有三成小朋友患濕疹。嚴重的患者不但飽受皮肉之苦，更要承受他人的目光。可惜濕疹無法轉移，如果可以，這些孩子的媽媽一定會這樣做。
試新方法試出禍 媽媽最內疚
Tony今年七歲，自幼患有嚴重濕疹。媽媽Crystal形容，Tony過去幾年平均有超過三分一時間都是滿身爛肉，幾乎找不到一寸白皙的肌膚；每個早上都會在孩子枕邊發現有血跡；每一次洗澡、塗擦藥膏都是一場角力，「掂一掂都會痛，佢求我唔好再掂佢，仲試過同我講『媽媽，我知錯喇』，唔想再咁辛苦…」Tony近年開始看脊醫，調整脊柱神經改善免疫系統，配合馬齒莧水洗澡，情況終於得到控制。
▲Tony覺得最辛苦時，有不能呼吸的感覺。