老婆誕第4胎 林盛斌喜獲7磅B仔激動到喊
2017-08-21
林盛斌（Bob）與老婆育有三名千金霏霏、熹熹、機機，甚有外父命的Bob月前開心宣佈追仔成功。愛妻十月懷胎好辛苦，今日Bob開心公佈B仔出世了，他在社交平台上載短片，扮囝囝口吻問：「各位哥哥姐姐，你哋好！我靚唔靚仔呀？」網民紛紛恭喜Bob，「辛苦哂太太，祝令公子快高長大！健健康康！」、「恭喜！細Bob好似佢老竇」。
見囝囝哭起上來又大聲又夠氣，連身邊的媽咪都忍不住笑指他哭得很勁。4度做爸爸的Bob難掩喜悅心情，他透露囝囝重7磅，3位姐姐也很興奮見到弟弟，又讚老婆很偉大，見到老婆的辛苦亦令他激動到喊了出來。至於囝囝名字就未定，Bob表示將會找師父改，雖然囝囝剛出世，但Bob未有休息，明日都繼續開工賺奶粉錢。
頭條日報授權轉載