網民負評 囝囝4個月大9個月身形 葉翠翠霸氣回覆 是妒忌行為
2017-08-22
^手臂粗咗■因為長期抱巨B，所以翠翠的一雙手臂都變得粗壯。
35歲嘅葉翠翠為老公一索得男，今年四月生咗個7磅半「小王子」周津羲（Jake），新任媽媽湊仔湊得好開心，經常在網上平台分享湊B、補身同瘦身秘訣，好多網民追問詳情，翠翠亦樂於分享更多，堪稱阿媽界KOL。上周三下午，Fit媽孭住圓碌碌小王子去中環中建大廈的兒科診所，離去時見到記者有啲愕然但仍樂意透露囝囝此行只是打預防針。翠翠之後在微博貼文表示4個月大嘅囝囝已發育至9個月身形，內地網民負評不斷，指「肥唔代表健康」，有正常網友睇唔過眼撐翠翠，EQ甚高嘅靚媽霸氣回覆：「比較是妒忌的行為，不需要在意。」好有型啊。
翠翠陀B時候做足補身，所以小王子出世有成7磅半，肥肥白白相當可愛，所以翠翠一再強調懷孕其間對BB好重要，因為對BB日後發展有好大影響。觀乎4個月大嘅小王子要着12個月BB嘅衫仔，相信長大嘅佢必定高大又威猛。
^得意巨B ■打完針嘅翠翠發現記者先愕然後Nice回答，小王子真係好得意。