【小小豬】冬瓜荷葉薏米水
2017-09-20
明明已經到咗「立秋」,但都仍然係熱到冇朋友,唉….地球先生真係病得好利害了。星期日同小小豬入咗迪士尼玩HALLOWEEN,好耐都冇試過由朝玩到晚,小小豬就非常有精力,不過我就攰C咗,但見小小豬玩得開心都係值得!
哈哈哈…又離咗題添,嗰日睇天文台話天氣唔穩定,初時都擔心會落雨,不過原來天氣好到不得了,由朝曬到晚,再加埋帶點悶焗,都真係幾辛苦。 雖然小小豬玩得高興,不過佢都曬到有點傻,嘴仔都曬到乾晒,當然要即刻煲番個消暑解熱嘅涼茶俾小小豬飲,等佢可以舒服番先得。
清熱嘅冬瓜再加上袪濕利尿嘅薏米同荷葉,所以呢個涼茶可以消暑解熱同埋袪濕添。
冬瓜約一斤、荷葉三分一片、生薏米一湯匙、陳皮一小片、片糖適量~