【湊仔爸與返工媽】若要不心急，看看鹹柑桔
2018-05-24
早陣子發現，家中的1987年鹹柑桔快吃完，下一樽就是2012年自己醃的。陳年桔千金難買，於是阿豬媽的起心肝今年又醃一樽，希望幾十年後有陳年鹹柑桔吃，又或許高價賣出去幫補家計（發夢中）。
買桔、洗桔、吹桔、落桔落鹽。通通搞掂後，就跟2012年那樽放在一起。新舊桔相遇，不禁拿出來欣賞一番。
有些東西，確實需要時間，心急不來。就像醃桔這回事，若洗得不夠乾淨，風乾得不夠透徹，鹽落得不夠仔細，最後就真的得個桔（發霉桔）。
社會迫我們快：動作要快，轉數要快，成效要快，適應要快。快就是王道。於是，我們教育下一代時也慢不下來。尤其是教育制度迫使下，很多家長都不情願地提早催谷孩子：執筆都未懂，就是寫字；字還未寫好，就要默書了。
習慣了心急，上一步未做好就偷做下一步，水過鴨背，追追趕趕。或許暫且可以應付過去，但一世人流流長，總有時候踫釘。阿豬媽近年碰釘得最多，當然就是用錯了心急育兒法，本想快快搞掂個細路，最後適得其反，自找麻煩。
老土講句，養兒育女好比醃鹹柑桔：要準備，要心機，要時間，急不來。
共勉之。
#真係好老土
#但我確實會耐唔耐打開廚櫃望下佢哋嚟提醒自己
作者：阿豬媽@湊仔爸與返工媽
其他文章：