【90後P牌媽咪】在職母乳媽媽的手袋大揭秘（有片）
2018-08-12
如果大家有留意開我嘅Facebook，都知道我係一個在職母乳媽媽，每日返工都要不停泵奶、洗嘢、泵奶、洗嘢不停loop。雖然辛苦，但總係會覺得好值得！仲好記得第一日返工嗰陣，好驚好驚帶漏嘢，因為帶漏一樣嘢都會影響到泵奶（你懂的），所以希望透過呢篇blog俾大家知道，在職母乳媽媽返工到底需要準備啲咩，咁返工就唔使驚帶漏嘢啦！
如果想睇詳細啲、唔想睇文字，可以拉到最下面睇video版本㗎！
首先就要準備平時泵奶嘅奶泵同喇叭（遲啲會有奶泵比較嘅影片，如果想我推介都可以inbox我），最好揀啲可以叉滿電、拎得出街嘅奶泵，自由度就會大啲啦！
另外，需要帶冰袋、密實盒、母乳神器、消毒用具（如微波爐消毒盒/袋）。