【米豬媽媽】親子共食:韓式牛骨湯(及鰹魚醬油做法)
2018-08-30
媽媽我其實麻麻哋韓國,甚麼韓星呀、韓劇呀、《Running man》呀嗰啲,冇追過~係未結婚前俾哥哥毒到我睇千頌伊咁大把~(因為想睇靚衫XD) 韓式食物最多咪去食韓燒囉!睇完千頌伊咪食埋炸雞囉!
但有咗米豬之後,唔知點解,成日都走去某間好出名嘅韓國餐廳(X家)食牛骨湯飯,臨入院開刀前一日,都要去食番次先安樂。早排又同表妹小姐食咗,連米豬都欲罷不能,軟綿綿嘅牛牛、清甜嘅牛湯,仲有甜甜蘿蔔同粉絲……吖!我身為大廚個孫,某奶油整唔到嘅!
早幾日去買餸,就去凍肉姨姨度問,因為要煲牛骨湯,要買嗰舊牛骨呀,嗰舊好厚切嘅牛仔骨呢!凍肉姨姨一講就明,仲即刻搬咗排牛肋骨出嚟,問我要幾多即刻切比我,連牛骨都俾我買到,一於開工!
材料(湯底)
昆布 6塊(手掌攤開咁大)
洋葱 半個
葱白 2條
白蘿蔔 1/5條