父親連返28個鐘鋸樹仍被投訴 網民抱不平:啲人真係好自私!
2018-09-20
有連登網民表示,做屋邨維修的父親由開始掛八號風球一刻至「落波」時都在上班,沒料到他「返咗28個鐘頭工鋸樹,都仲畀人投訴」,又指父親「平時收工前喺垃圾房抹身都俾人投訴」,令他心感不忿遂發文抱怨。
帖文旋即引起網民熱議,不少網民都對樓主父親的付出表示尊敬,有人認為「次次打完風清潔工都係最辛苦」,「辛苦晒各位係前線一直付出嘅人」;樓主亦有回應指父親「做得呢行預咗」,但「明明已經好盡力,做到好攰」,卻仍「聽到畀人鬧,畀人投訴」,同時亦有人分享類似經歷,指出「要人一晚之間橫風橫雨下清理晒」實屬無理要求,直斥「香港人嘅自私性格先係最大嘅災難」,「乜都顧自己,乜都投訴」。