【少奶奶歎世界?】港媽為全職媽媽大平反 拍片紀錄一天工作時間表
2019-01-15
全職媽媽最討厭聽到的,絕對是「你就好啦!做少奶奶,日日喺屋企唔使做!」一位港媽「90後哈日人妻」特地在YouTube上載影片「90後全職媽媽 の 24小時工作時間表!」,短短6分半鐘的影片,紀錄了全職媽媽由10點半開始,到凌晨2點的工作,過程中基本上沒有喘息的空間,這位媽媽表示,拍影片的目的就是希望為各位全職媽媽大平反!
「90後哈日人妻」在社交網站表示,「全職媽媽絕對絕對唔比返工輕鬆同簡單,應該話仲辛苦、仲攰10倍!尤其係做個稱職嘅全職媽媽。因為我哋嘅工作係24小時,無放工時間,甚至連食飯同去廁所嘅時間都被我哋個「老闆」限制,重點係我哋無糧出㗎!」
所以,「90後哈日人妻」特地拍攝影片,和各位全職媽媽做個大平反,希望透過影片,告訴大家全職媽媽每日的生活是非常「充實」,而不是別人口中的少奶歎世界!