小龍包中招流感超心痛 陳慧琳爆兩兄弟驚到問: 係咪會死
2019-01-20
陳慧琳(Kelly)出席商場迎春活動,又模仿劉德華在演唱會上打鼓,笑言體會到華仔唔易做。提到兩個兒子劉昇(蝦餃仔)和劉琛(小龍包)時,Kelly就心痛透露小龍包患上甲型流感,說:「真係好驚,細仔在學校受感染,一發病已高燒達40多度,很辛苦的不停扯衫話好熱,幸好第一天吃了特敏福已開始退燒,不用入院,但要在家隔離像坐監似的,每日只能臥床瞓覺,還要關著門,不准哥哥(大仔)入房,搞到哥哥問『細佬係咪會死?』,最慘係連細仔都問『自己係咪就死?』,加上做流感測試時要用較長的棉花棒塞入鼻中,辛苦得不斷掙扎狂喊,要動用3個大人按著他,真係心都痛,並且連照顧她的姐姐(傭人)受感染,要服用特敏福!不過今日完成5天的藥物治療後,明天細仔終於可以放監,並且已回復精神,但待過完年後再返學。」