【聶裕桐】阿叻教材 編入通識
2015-12-24
網民圍插阿叻,話佢低水平,唔知家陣公開試成績已經冇A,竟話黃之鋒考唔到12條A,眾笑咗!
阿叻有名叫,認叻就梗架喇。當年入娛圈,乃三無人士,無樣、無才、無錢,於是專程走上大台人事部,問阿頭程乃根有啥辦法可以出位。之後人事部行出來,打造咗阿叻呢個品牌,其實佢好謙虛,on cam 天下無敵,cut機後扮晒矮仔,跟佢做friend不好計較,也未能算清。
成名後,總見阿叻在馬場長袖善舞,有次散場後見到佢認叻又話中咗3T,眾皆竊笑,因是日無人中3T。
港台播阿叻乜乜乜,全城起哄。做爸媽教孩子點睇阿叻事件簿?咪讚佢貫徹個人品牌,順便問孩子大個想唔想似阿叻咁,上大台周刊封面,抑或學之鋒,考唔入八大,不過上咗時代雜誌封面。孩子識得答,恭喜爸媽,得咗!正是阿叻教材,直頭編入通識。
作者:聶裕桐
影片截圖