【米豬媽媽】米豬第一次唔駛我陪上堂
2019-03-14
有睇開米豬page嘅朋友應該知道,米豬大個仔要返2歲班喇,對媽媽嚟講,重點唔係教學內容,係分離 T^T 媽媽有很強烈的分離焦慮症啊!!!!!!
今日係第一日返喇,陪米豬入咗班房,識咗2個朋友仔,老師就話我同佢講聲我會出去,一陣返嚟,我就走咗喇….. 今次鼠走嘅理由係 —- 媽媽要去屙便便
10:07 分開咗一個鐘,米豬完全冇搵過我 !!! 嗚哇T0T你會唔會太叻仔呀 >3<️ 明明平時去邊都扯住我條裙,今日可以自己上一個鐘堂!好叻好叻呀!
我終於知道原來等放學嘅唔止小朋友,仲有媽媽,真係估唔到米豬第一堂就可以唔搵我,大個仔喇真係,諗返呢一年以嚟自己湊佢,由學行到跑,爸爸媽媽到寸咀,真係過得好快,媽媽原來真係會唔捨得你大㗎
我企正响班房門口都冇發現我……. -_-