【Kelly Online】港媽嫌菲傭講英文有口音 網民： 你咪又係港式英語

講非母語語言帶有口音並不出奇，但有媽媽就在網上公開批評其菲傭口音和語法「一擔擔」，並舉例指對方將「Apple」 讀成「啊蒲」、「Mango」讀成「炆go」，直言擔心自己兒子長時間與菲傭一起，「會學到佢啲衰野」。帖文掀起熱議，有網民認為「你自己咪又係港式英語，仲好意思笑人哋菲律賓英語」；亦有網民斥樓主「嗰幾千蚊，想請個十項全能」。

有網民在facebook群組「外傭僱主必看新聞訊息」發帖，問「其實係咪每個工人（菲）啲accent（口音）同grammar（語法）都係一擔擔？」。她舉例，菲傭將「Apple讀啊蒲/april、Mango讀炆go、Bath讀but，仲有好多，多不勝數，頭先聽到佢socks讀咗suck，忍唔住出post，我出聲糾正佢就西臉」。樓主指，BB與菲傭接觸時間較多，擔心BB會學到菲傭帶口音的英文，「我已經盡量抽時間去對番BB，講多啲嘢，真係好擔心會學到佢啲衰嘢」。