講嘢冇同齡小朋友咁叻，唔一定係語言障礙！

爸媽好多時會拿小朋友的身高、體重，甚至識講多少字跟同齡的小朋友比較，從而了解發展進度。以說話為例，當小朋友說話不及其他小朋友流暢，爸媽便開始擔心：「我個小朋友係咪有語言發展遲緩？」註冊言語治療師郭逸云表示，事實未必如此嚴重！

看某個歲數的特定表現

郭逸云認為，同齡小朋友都有「大仔」、「細仔」之分，反而看看小朋友是否有某個歲數應有的表現，「就算未識講嘢，都會有溝通動機，例如9個月大嘅BB會咿咿呀呀，或者指、用眼神表達訴求。」

隨着年齡漸長，小朋友懂得運用的句子元素就會增加： 1歲時，會識講一個元素的字詞，例如士多啤梨、蘋果、杯、碟、眼、耳、口、鼻等；2歲講有2個元素的句子，例如我食、爸爸飲、食餅餅；2歲半會出現完整句子，如爸爸食餅餅、媽媽飲水水、俾香蕉爸爸；到3歲就會有4個元素，出現不同類型的組合。「如果小朋友3歲仍然講2個元素嘅句子，爸媽要留意是否需要帶小朋友做評估，透過標準測試去看小朋友需否進一步治療。」

▲註冊言語治療師郭逸云認為小朋友說話不及同齡小朋友未必大問題，反而要留意是否達到本身歲數的應有水平。

影響學習及自我形象低落

為甚麼小朋友會出現語言發展遲緩？郭逸云說，暫時未有特定原因，與遺傳亦未必有直接關係，相信跟個人發展較慢有關，「如果有啲小朋友有智力障礙，語言會較弱；語言能力差，亦會影響學習吸收力。」郭逸云指出，小朋友有語言發展延緩，可以延伸到長大後，「部分小朋友接受訓練後追得到進度，有啲一開始已經追唔到，到大個仍然有問題。呢個唔單止學習問題，仲會令小朋友自我形象低落，欠缺自信，所以一旦發現有問題，愈早介入愈好。」

親子閱讀的重要

在街上不難發現，有些爸媽不停跟身旁的小朋友說話，這對小朋友的語言發展有否幫助？郭逸云直言，語言發展需要多方面刺激，但密集式轟炸只會令小朋友辛苦，「語言發展需要互動溝通才有進步，親子閱讀係一個好方法，小朋友細個可以用布造嘅書，音調要有高低，配合簡單用詞，緊記讀出嘅句子唔好太長太複雜，千祈唔好係咁問小朋友問題，應該俾佢哋做主導。」郭逸云建議，爸媽可以跟年紀小的子女進行自我談話(Self-talk)及平行談話(Parallel Talk)。

自我談話(Self-talk)即是自己談話，說出當刻自己正在做的動作、看見的事物、想法、感覺或聽到的東西，例如：「媽媽切」、「俾豬仔」、「媽媽洗蘋果」、「湯湯好熱呀」；平行談話(parallel talk)像旁述一樣，但描述目標是小朋友正在做的動作、看見的事物、想法、感覺或聽到的東西，從而協助小朋友學習理解物件及動作的名稱，例如：「XX食」、「XX洗菜菜」、「你想要刀刀」。

▲語言治療師（郭逸云）除經常用玩具或圖卡作為治療工具外，亦會利用手偶和圖書進行訓練。

了解更多: 心迎兒童與家庭發展及評估中心(電話:2543 2200)
https://www.shiningfamily.com/ 或 https://www.facebook.com/shiningfamily