【傑。斯與晴】媽媽有話兒︳被騙的不是食物而是愛💔

如果係你，你又會幫手嘛？
如果係你，你又會點同小朋友講？
~*~*~*~*~*~*~*~*~*~*~*~*~*~*~*~*~*~*~*~*~*~*~

話說，某日我帶著小JM到商場閒逛之時，我哋遇見一位老婆婆。
婆婆見我帶住小JM就對我講。。。
婆婆：可唔可以俾廿蚊婆婆買嘢食呀？婆婆好餓呀。

沿旁邊經過嘅叔叔、伯伯們都示意我地唔好幫忙、唔好理婆婆。

我　：不如我去買麵包或嘢食俾你呀？
婆婆：唔好，你俾錢我就得架啦。
我　：婆婆，你肚餓我都係買嘢食俾你啦。
婆婆：唉，你咁架。咁你買啦買啦，不過我唔食麵包㗎。
我　：咁婆婆你想食咩呀？
婆婆：蛋撻。蛋撻啦咁。買三個…
我　：好呀，我哋一齊搭電梯去買啦，就喺下面麵包鋪。
婆婆：唔去，婆婆唔行啦，好攰。我就喺度等你。