【留學執行李必睇】6大容易忽略物品
2019-08-09
唔少去外國讀書留學嘅學生,準備起行到外國學校報到,執行李係其中重要一環,除咗日常用嘅衣物、證件、學習用品如電腦等等,有啲物品以為唔太重要,但「需要用時方恨無」,以下6項物品容易被遺忘,快啲納入行李清單內喇。
1. 枕頭
每個人都有自己喜歡的枕頭形狀及質地,去到外地遇上「生埗床」,用唔慣其他枕頭,有機會影響睡眠質素,翌日起床冇瞓過一樣,既影響學習表現,身體又容易出毛病。所以,帶備用慣嘅枕頭等於有覺好瞓。
2. 變壓器
外出旅行也是必帶物品,因為每個地方的電壓有所同,最好帶1-2個集變壓器和轉換插頭於一身嘅多功能插頭傍身。
3. 網線
無論喺宿舍或學校,有時Wifi太慢或根本無信號,需要用到上網線。外地的上網線一般比較貴,帶1-2條網線放喺行李以備不時之需。
4. 保溫杯或熱水壺
不少女孩子有飲熱水的習慣,尤其在寒冷地方,特別需要熱水,但外國未必處處有熱水供應。帶備熱水壺,煮滾後用保溫杯盛起,就可以隨時隨地飲熱水。
5. 後備眼鏡/隱形眼鏡
有近視或散光的同學仔要留意啦,喺外國配眼鏡不但貴而且要四處搵,記得多配1-2副後備眼鏡作替換。
6. 藥物
一般人都記得帶感冒藥、傷風藥等,卻忽略了水土不服/肚痛藥,尤其腸胃本身較弱的話,去到外地一時未習慣水質及食物,容易出現肚痛、肚瀉。如果遇上肚瀉問題,法國嘅思密達Smecta(Dioctahedral Smectite)幫到手,片狀結構藥粉,獨立包裝,容易攜帶。藥效原理係於腸壁形成保護屏障,吸附惡菌再自然排出體外,可以紓緩偶發性肚瀉,而且唔會被人體吸收。隨身帶定幾包,去外國留學都多一份保障。
▲香橙雲呢拿香甜味道,容易入口,1個月以上小朋友都適合服用。
銷售點︰屈臣氏、萬寧及各大藥房
網址︰www.smecta.com.hk
查詢︰ 2635 5950