【許許與小BELLA】親子共食~ 香味荷葉飯
2019-10-28
去年10月尾已經想整荷葉飯比Bella食,
但當時樓下雜貨舖嘅荷葉賣晒,老闆娘話,唔會再返貨,叫我下年先嚟買,雖然今年又係遲咗少少, 不過好彩都俾我買到, 唔使特登再走去出面搵。
荷葉飯對於鍾意食有味飯嘅小B嚟講真係啱晒, 因為蒸完之後成個飯都香噴噴入味, 今次我先將飯周同食材炒完再蒸,如果媽媽怕油唔想炒,其實亦可以直接用荷葉蒸, 至於選用食材,真係可以好廣泛, 唔一定要跟我嘅, 總之唔好揀啲影易出水或容易爛嘅食材便可。
今次我用嘅係雞柳肉,蝦仁,本菇等, 特別一提腦左少少瑤柱粒吊味。