【親子熱話】戲院重開嚴禁飲食 港媽帶囡囡睇戲違規食爆谷 口罩亂放扶手柄

新冠肺炎疫情有所緩和，不少娛樂、康樂設施都陸續重開，譬如戲院。不過為防範疫情，戲院目前不允許飲食，然而近日有港媽在與女兒睇戲時，脫下口罩食爆谷，更將口罩隨意攤放在扶手上。

近日有網民在Facebook專頁「生仔要考牌系列」投稿，表示朋友與其友人外出睇戲，更帶同小朋友一起。由於部分戲院暫停出售食物，因此她們就自備爆谷和各種食物。

然而她們一行人卻無視規定，肆無忌憚將口罩脫下，一邊睇戲一邊食爆谷，而且更將口罩攤放在扶手上。

「見到佢哋自備爆谷、食物入戲院俾小朋友食都不特止，仲隨便將啲口罩放響座位扶手上。」

從照片可見，3名小朋友連著坐在一起，每人手上各拿著一包爆谷吃，而扶手柄上則放著用過的口罩。另外更可見到爆谷是用保鮮密實袋裝上，估計是事前早有準備。

不少人網民看過帖文後，紛紛留言斥責他們的行為，「其實做家長可唔可以負責任啲」、「唔識教育會害死自己小朋友」、「呢啲應該要通知戲院，請家長合作」。

本港各大戲院雖已經重開，不過就設有多個規定，防範疫情，譬如：不可飲食、每場戲人數限一半、需要隔行坐等等。

新聞來源：生仔要考牌系列 @Facebook