【Kelly】令媽媽最窩心的兩句說話

後日星期日就喺母親節，點先o氹得媽咪開心？Kelly有貼士！新地會一項「香港家庭專題調查」發現，三成四父母都唔鍾意子女只顧玩手機、上網同睇電視，會令佢哋感受唔到子女嘅愛，但原來最讓父母感受到子女愛嘅說話，係「小心身體，好好休息」，到時星期日同媽咪慶祝，就記得唔好做低頭族，多啲關心媽媽啦。

新地會董事總經理謝文娟話，「適逢『母親節』與『國際家庭日』，特意分享是次調查結果，希望與大家一起探索家庭成員的內心世界。」「香港家庭專題調查」連續三年調查均顯示，彼此溝通係幸福家庭必備條件，子女聽話孝順與主動關心父母、丈夫唔好「發脾氣」或「冷淡、不瞅不睬」，給予妻子多一點關注，已能讓媽媽或妻子感受到愛，謝文娟又鼓勵大家，花點心思向媽媽或妻子表達謝意，讓她們開心愉悅每一天。

調查亦指出，三成六妻子最愛聽到丈夫講：「老婆，辛苦你喇！早些休息。」三成六母親最愛聽到子女講：「小心身體，好好休息」。專家指，其實簡單一句說話已足夠令屋企人開心，良好嘅說話技巧有助增進感情，相反會容易傷感情。等Kelly學番兩招，o氹吓媽咪先。

作者：Kelly Chu

獲頭條日報授權轉載