【80後媽咪】小小小學雞入主合適小學
2016-10-03
開學已經一個月啦
感恩，新生活大家都適應得好好
講下我先啦
真心覺得，哥哥上咗小學之後，真係超。級。爽
而家每朝，我哋夫妻二人輪流送哥哥，細佬返學
八點之後，就可以擁有自己嘅私人時間啦！ yeah！！！！！
其實，我覺得好架
至少兩公婆可以拍下拖，食下早餐，有番兩個人嘅時間嘛！
跟住，我又可以做下自己想做嘅事
絕對，絕對係好享受而家嘅生活啊！
真心覺得，哥哥上咗小學之後，真係超。級。爽
而家每朝，我哋夫妻二人輪流送哥哥，細佬返學
八點之後，就可以擁有自己嘅私人時間啦！ yeah！！！！！
其實，我覺得好架
至少兩公婆可以拍下拖，食下早餐，有番兩個人嘅時間嘛！
跟住，我又可以做下自己想做嘅事
絕對，絕對係好享受而家嘅生活啊！
至於細佬呢
哥哥升咗小一之後
細佬係最大得益者
而家每一日，細佬一放學，就可以同媽媽二人世界啦！
其實對佢嘅幫助亦都好大
以前，一個打兩個
我承認，我唔多唔少，都會忽略咗細佬豬
俾佢嘅時間，真係唔多
而家好好呀，我可以好好咁教佢寫字，認字
又有好多時間陪佢睇圖書，陪佢傾下計咁
佢最近，同我都多咗計傾
大家嘅關係，真的親密咗哦！
哥哥升咗小一之後
細佬係最大得益者
而家每一日，細佬一放學，就可以同媽媽二人世界啦！
其實對佢嘅幫助亦都好大
以前，一個打兩個
我承認，我唔多唔少，都會忽略咗細佬豬
俾佢嘅時間，真係唔多
而家好好呀，我可以好好咁教佢寫字，認字
又有好多時間陪佢睇圖書，陪佢傾下計咁
佢最近，同我都多咗計傾
大家嘅關係，真的親密咗哦！
最後，講埋小學雞阿朗
阿朗適應得，真係比預期嘅好
尤其係做功課溫習方面！
其實阿朗佢，係一個好怕寫字嘅小朋友嚟架！
以前寫多兩行，或者擦佢啲功課，佢就會目露凶光，繼而典地嚎哭
好好彩，阿朗而家間學校，抄寫功課唔算多
每個詞語，老師都係要求寫三次就ok！
因為小抄寫嘅關係，對於做功課，阿朗冇抗拒過！
每日放學，都會好自動波做
做完先玩，一啲都唔駛我勞氣！ 真係超讚！
亦不得不讚讚學校
佢哋而家開學初期，功課量好溫和
四至五份不等，其實扣除改正嘅功課，有時都只係3、4份啫
遁序漸進咁加功課量上去，我覺得好好呀
聽啲朋友講，有啲小學，開學冇耐，已經下下7、8份功課啦！！！
講真，太多功課，小朋友真係好辛苦架
攪攪下，我驚佢哋會失去學習興趣添呀！
感恩，阿朗能夠入到呢間學校
真心覺得，咁樣嘅學校，真係好適合佢
最近，聞說開始交緊第一程序嘅小一申請表啦
真心覺得，選小學，真係唔能夠只係睇升中派位而決定
可能而家哥哥上咗小一啦
咁我好切切實實地覺得，
其實適唔適合，應唔應付到，係一個更需要考慮嘅問題囉
始終，讀六年嗰個係小朋友
如果，間學校係唔適合佢，而佢又要喺裏面讀六年
真係好辛苦架！
各位媽媽努力呀，希望來年升小一嘅朋友，都能夠如願入讀心儀學校啦！