【小小豬】清熱滋潤 無花果蘋果菊花茶
2016-10-24
早幾日奶奶上嚟探小小豬嘅時候，佢買咗好多粒又大又紅嘅蘋果，有咁多粒都好難一次過食晒，最好就當然係用嚟煲涼茶，所以就煲無花果蘋果菊花茶，等小小豬保護眼睛之餘，又可以滋潤下啦！
哈哈…其實今次我都冇特定煲啲乜，只係小小豬話啲涼茶飲晒冇嘢食(依個衰豬真係似足我，唔鍾意飲清水)，見屋企有菊花，又有無花果，所以就用佢哋嚟煲蘋果茶啦！
今次我就用咗蘋果3個、無花果6粒同埋菊花一両(約37.5g)~
首先將蘋果洗淨去核及切粗粒(記得要係洗蘋果前用刀刮了一圈，刮走面嗰一層果蠟)；無花果切開細細分；菊花先用浸半個鐘後，瀝亁備用~ 
先加入約3公升水，然後加蘋果粒及無花果~ 