【米媽】TROUBLE 2：動武或是說之以理?
2016-12-29
26個月大嘅米米，說話同理解能力一直都好好，而且好似海綿咁，所有好嘅差嘅咩都會吸收晒。 當然，米米唔係淨係大家睇到乖嘅一面，佢都會有令人扯火嘅一面，加上米米性格特別硬頸，動粗無用，反而說之以理，慢慢相勸引誘先最有效。 當然，前者動粗恐嚇效果立見，會嚇到小朋友即時聽指令，省卻家長不少時間，但過後呢，小孩仍然會故態復萌等待下一輪家長的恐嚇才止。
另一方法？用小朋友可以明白的淺白說話講理，原因，後果，利誘等，雖然必會花費想像不到的時間，但方法就是耗，看誰最後會投降，家長堅持的話，小孩子最後會順從，而且堅持一貫的作風，不斷重複，小孩子也能吸收正確的道理，進入腦子吸收後，就變成了他們的價值觀及習慣。
再者，有一套說法，要打先知驚，咁打咗之後呢？後果呢？想一想， 小朋友唔乖，堅持唔執嘢，倒晒水唔去抹，講極唔聽，最後家長用間尺打手板，小朋友嚇到喊，話以後唔敢喇。 乖乖去執拾。 但係，轉過頭，小朋友嘅腦子吸收到嘅係，人哋唔聽你話，你就可以打人令人服從。 於是，小朋友跟兄弟姊妹同玩玩具，但佢哋唔聽話，小朋友記得媽媽放間尺嘅地方，拿出來話，你哋唔聽話，我要打你哋。 家長一見帶小朋友過來講道理， 小朋友，你唔可以打人架，打人唔啱架。 你要同人哋講唔好咁做，而唔係打人。 小朋友：媽咪，但我做咗你唔中意嘅嘢你就打我嘅。 家長:…..
很多時，家長可能會強辯，我點同，大人做嘅嘢係為你好，係啱嘅。小朋友唔打得。
如果家長對小朋友動粗，又如何強求小朋友不打人呢。小朋友就會變成不順意時用武力解決。用武制人，永遠最快見效，身教身教，小朋友是家長的一面鏡子。也會直接刻進小朋友的價值觀。 現在米米正值TROUBLE 2，有主見，喜反抗。米媽也在深思如何管教才對米米最好，不要趺入前者用動武解決的陷阱。
家長共勉
作者：米媽(絲.房菜)
相關文章：【米媽】給小朋友跌倒後勇敢爬起身的機會 (16M)