【湊仔爸與返工媽】好來好去 給孩子一個下台階
2017-06-02
孩子試家長底線，表示他們在動腦筋。家長溫柔堅定，放鬆心情面對即可。親子拉鋸到達樽頸位，家長可嘗試把握時機，給孩子一個下台階，來個漂亮的結局。
有一天早上，阿豬起牀，看見阿豬媽在弄窩夫，堅持要立刻吃。
我們跟很多家長一樣，要孩子先刷牙再吃早餐。阿豬明白這個規矩的背後原因，雖不太願意，但總會死死氣去刷牙。可是，那天阿豬似乎有興趣挑戰這個規則，於是跟阿豬媽爭持很久。
豬：（拿著窩夫放在嘴邊）
媽：「你想食呀？」
豬：「我都冇食！」
媽：「係喎，你拎住咋喎，都冇食。拎住冇問題架，但要食就要刷牙。」
豬：（繼續將窩夫放嘴邊，斜視我的反應）
媽：「真係冇問題喎，你繼續咁樣拎冇問題㗎。」
豬：（推我）「媽咪走開呀，唔好企喺度！」
媽：「我係企喺度架，我要整嘢吖嘛。」
豬：（撐大口作狀吃窩夫，觀察我的反應）
媽：「你應該知點樣先可以食?」
豬：「我要食呀！食完先刷牙呀！」
媽：「你知點先食到嘅。」
豬：（想哭）
媽：「不如咁啦……（從廚櫃取出阿豬的專用餐盤）……你鍾意邊塊，放入去，刷完牙拿拿淋出番嚟食啦。」
豬：（嚴選兩塊窩夫放在碟上，然後刷牙）
阿豬媽最後取出的不是甚麼最愛的餐盤，只是在阿豬無助的一刻，轉移他的注意力，同時給他一個唾手可得的下台階，好讓他能達成目標（食窩夫）。
下台階的出現要看時機：太早出，孩子不會接受；太遲出，孩子情緒可能已失控，難以安撫。父母要憑直覺和對孩子的了解，抓住他剛軟化和無助的一刻，溫柔地提供簡單又適切的解決方法。試得多，就會純熟。
可能你會問，為何阿豬不敢偷吃？ 或者不敢無視規矩快快手放入口？ 那就是家長溫柔堅定的教養方法，日子有功了。
作者：阿豬媽@湊仔爸與返工媽
其他文章：