【唔使儲印花】7-11聯乘迪士尼出靚筆袋 電影角色超經典！

7-Eleven不時有靚靚精品，今次首度聯乘迪士尼經典電影，推出小鹿斑比、小木偶以及Marie筆袋，小朋友開學用又得，媽媽自己做收納小袋、化妝袋亦得。即日起至9月5日有得賣，每個港幣$40元，唔使儲印花。

▲木偶奇遇記：相信大家都會記得小木偶曾經俾大鯨魚吞咗，經典一幕就喺筆袋上可以見到。

▲小鹿斑比：小鹿斑比同好友小灰兔，一齊現身花叢間；雨傘型嘅小蘑菇好可愛呀。

▲《富貴貓》Marie：Marie配英倫格調，加埋粉紅色，夠嬌美。

以上全部或部分之優惠不適用於指定店舖(包括但不限於淺水灣、迪欣湖、迪士尼行政大樓、昂坪市集、亞洲國際博覽館及港鐵海洋公園站分店) 。貨品數量有限，部分貨品只限於指定店舖提供，售完即止。如有爭議，所有價格以個別店舖為準。